لندن میں حیدرآباد کی طالب علم کو برازیلین شخص نے قتل کردیا

حیدرآباد، 14 جون (ذرائع) لندن کے ویمبلے میں حیدرآباد کی 27 سالہ خاتون کو چاقو سے وار کرکے قتل کردیا گیا۔ اعلی تعلیم کے لیے لندن گئی کونتم تیجسونی پر منگل کو برازیل کے ایک شہری نے مبینہ طور پر حملہ کیا-

تیجسونی کی موقع پر ہی موت ہوگئی تھی، میٹروپولیٹن پولیس کے مطابق 28 سالہ خاتون ایک دیگر خاتون کو چاقو سے چوٹ لگنے کی وجہ سے ہاسپٹل لے جایا گیا



تھا، لیکن اسکے زخموں کو خطرناک نہیں پایا گیا، واقعہ ویمبلے کے نیلڈ کریسنٹ علاقے میں ہوا-

تیجسونی کے حیدرآباد میں رہنے والے چچا زاد بھائی وجے نے بتایا کہ ملزم ایک برازیلین شخص تھا اور ایک ہفتے سے بھی کم وقت پہلے وہیں رہنے آیا تھا، جہاں تیجسونی اپنے دوستوں کے ساتھ رہتی تھی- بتایا جاتا ہے کہ تیجسونی ماسٹرز کی ڈگری حاصل کرنے کے لیے گزشتہ سال مارچ میں لندن گئی تھی۔