حیدرآباد میں اغوا اور عصمت ریزی کا ڈرامہ کرنے والی بی فارمیسی کی طالبہ نے خودکشی کرلی

حیدرآباد24فروری(یواین آئی) شہرحیدرآباد میں دو ہفتہ قبل آٹو ڈرائیور کی جانب سے اغوا کئے جانے اور اجتماعی عصمت دری ہونے کا ڈرامہ کرنے والی19سالہ بی فارمیسی کی طالبہ نے رشتہ داروں اور سوشیل میڈیا کے مختلف پلیٹ فارمس پر اس پر کی جارہی نکتہ چینی پر خودکشی کرلی۔

جاریہ ماہ کی 10 تاریخ کو گھٹکیسر



علاقے میں بی فارمیسی سال دوم کی طالبہ نے اپنی ماں کی ڈانٹ سے بچنے کے لئے اس کا اغوا اور عصمت دری ہونے کا ڈرامہ کرتے ہوئے پولیس اور میڈیا کو گمراہ کیا تھا لیکن پولیس کی سائنٹفک جانچ میں اس کی یہ شکایت جھوٹی ثابت ہوئی۔

پولیس سے بعد ازاں اس نے اعتراف کیا تھا کہ اس کا اغوا اور اجتماعی عصمت دری نہیں ہوئی۔