حیدرآباد کے آرام گھر چوراہے پر سڑک حادثہ میں اردو روزنامہ سے وابستہ ملازم جاں بحق

شہرحیدرآباد کے آرام گھر چوراہے پر خوفناک سڑک حادثہ  پیش آیا جس میں روزنامہ سے وابستہ ملازم نوجوان جاں بحق ہوگیا جس کا نام فیاض ہے۔ 

تفصیلات کے مطابق فیاض ساکن مشک محل، کل رات آر ٹی سی بس میں سفر کر کے شاد نگر سے حیدرآباد واپس آرہے تھے وہ آرام گھر چوراہے پر بس سے اترنے کے دوران گرپڑے اور اسی بس کے پچھلے ٹائیر کی زد میں آکر ہلاک ہوگئے۔ 

حیدرآباد شہر میں اس طرح کے واقعات میں کمی نہیں بلکہ اضافہ نظر آرہا ہے۔ 

بس کی زد میں آکر ہلاک ہونے کے واقعات روز بہ



روز بڑھتے جا رہے ہیں، ایک نوجوان بس کے سفر میں محفوظ نہیں ہے تو ضعیف عوام کا کیا ہوگا اور خواتین کا کیا ہوگا۔ 

بس کے ڈرایورس اس طرح بس چلانے لگے ہیں کہ انکو کسی کی پرواہ نہیں ہے اور کوئی انہیں پوچھنے والا نہیں ہے، وہ بنا آزو بازو دیکھے تیزی سے چلانے لگتے ہیں، راستوں میں کہی بھی روک دیتے ہیں، بس میں چڑھنے اترنے والوں پر توجہ نہیں دیتے اور بس کو آگے بڑھا دیتے ہیں جس کی وجہ سے اس طرح کے حادثات میں اضافہ نظر آرہا ہے۔      

پولیس نے نعش کو پوسٹ مارٹم کیلئے عثمانیہ جنرل ہاسپٹل کے مردہ خانہ منتقل کردیا ہے، مزید تحقیقات جاری ہے۔