نظام آباد میں مندرکےغلہ سے چوری کرنے کی کوشش، چورکا ہاتھ غلہ میں پھنس گیا

کاماریڈی: ایک عجیب و غریب واقعہ میں، منگل کی رات ضلع کے بھکنور منڈل کے رامیشوراپلی گاؤں میں مندر کا ایک ملازم، جو مبینہ طور پر مندر کی ہنڈی سے نقدی چرانے کی کوشش کر رہا تھا، اس کا ہاتھ ہنڈی میں پھنس گیا۔

اطلاعات کے مطابق ماسوپلی پوچما مندر میں کام کرنے والے سریش نے رات کے وقت مندر میں داخل ہو کر ہنڈی



کو اوپر سے توڑ کر پیسے چرانے کی کوشش کی۔ تاہم جیسے ہی اس نے ہنڈی سے پیسے نکالنے کی کوشش کی اس کا ہاتھ پھنس گیا اور اسے پوری رات اسی حالت میں کھڑے گزارنی پڑی۔ صبح جب پجاری اور دیگر عملے نے مندر کھولا تو انہوں نے سریش کو ہنڈی کے پاس کھڑا پایا۔

انہوں نے فوری طور پر پولیس کو اطلاع دی اور کٹر کی مدد سے ہنڈی توڑ کر اسے آزاد کیا۔ پولیس نے مقدمہ درج کر لیا ہے اور تفتیش جاری ہے۔