مسقط ایئرپورٹ پر ایئر انڈیا ایکسپریس کے طیارے میں آگ لگ گئی

مسقط، 14 ستمبر (ذرائع) مسقط ایئرپورٹ پر ایئر انڈیا ایکسپریس کے طیارے میں آگ لگ گئی۔ طیارے سے دھواں نکلنے پر جہاز میں سوار تمام مسافروں کو بحفاظت نکال لیا گیا۔ طیارے میں چار نومولود بچوں سمیت 145 مسافر سوار تھے۔ تمام مسافروں کو ٹرمینل بلڈنگ میں منتقل کر دیا گیا ہے۔ اس دوران کوئی مسافر زخمی نہیں ہوا۔



طیارہ مسقط سے کوچی آرہا تھا۔

طیارہ اڑان بھرنے سے چند لمحے قبل جہاز سے دھواں اٹھتا ہوا دیکھا گیا۔ سول ایوی ایشن کے ڈائریکٹوریٹ جنرل نے ایک بیان میں کہا، "امدادی پروازوں کے انتظامات کیے جائیں گے۔" دو ماہ قبل کالی کٹ سے دبئی جانے والی ایئر انڈیا ایکسپریس کی پرواز کو جلنے کی بو آنے پر مسقط کی طرف موڑنا پڑا تھا۔