مدھیہ پردیش کے بعد اب آندھرا پردیش میں ایک دلت نوجوان کو مارتے ہوئے اس پر پیشاب کیا گیا

آندھرا پردیش کے اونگول میں ایک دلت نوجوان کو بے رحمی سے پیٹا گیا اور اس پر پیشاب کر دیا گیا۔ 9 لوگوں نے متاثرہ کو لاٹھیوں سے شدید زدوکوب کیا، مار پیٹ سے دلت نوجوان کی خون بہہ جانے سے موت ہو گئی۔ جب وہ بے ہوش ہونے لگا تو دونوں ملزمان نے اس کے چہرے پر پیشاب کر دیا۔ اس واقعہ کی ویڈیو منظر عام پر آگئی ہے۔

پولیس سے موصول اطلاع کے مطابق مقتول کا نام موٹا نوین ہے۔ ان کا تعلق شیڈولڈ ٹرائب کمیونٹی سے ہے۔ ملزم کی شناخت مانے رامانجنیولو کے طور پر کی گئی ہے۔ نو ملزمان میں دو نابالغ لڑکے بھی شامل ہیں۔ نوین اور رامانجنیولو بچپن سے ہی دوست تھے۔ ان کے خلاف آندھرا پردیش اور دیگر ریاستوں میں چوری کے 50 مقدمات درج تھے۔ رامانجنیولو نے موٹا نوین کو تنازعہ حل کرنے کے بہانے ویران جگہ بلایا اور مارا پیٹا۔

اونگول کے ایس پی ملیکا گرگ نے بتایا کہ موٹا نوین اور



رامانجنیولو کے ایک دوست کے درمیان ایک لڑکی کو لے کر جھگڑا ہوا تھا۔ موٹا نوین اور اس لڑکی کے درمیان محبت کا رشتہ تھا۔ یہ رامانجنیولو اور ان کے دوست کو پسند نہیں آیا۔ 19 جون کی رات تقریباً 9 بجے رامان جنیولو نے تنازعہ کو حل کرنے کے نام پر نوین کو ایک ویران جگہ پر بلایا تھا۔ یہاں دونوں نے شراب پی۔ اس کے بعد رامانجنیولو اور دیگر آٹھ افراد نے نوین کو مارا پیٹا۔ اس دوران دو شرابی ملزمان نے نوین پر پیشاب کر دیا۔

ملزم نے واقعے کی ویڈیو بنا لی

یہ واقعہ نو ملزمان میں سے ایک نے اپنے موبائل فون پر ریکارڈ کر لیا۔ مارنے کے بعد نوین کو اسپتال میں داخل کرایا گیا۔ انہوں نے واقعے کی تفصیلات نہیں بتائی اور وہاں سے چلے گئے۔ اس سے پہلے کہ پولیس نوین سے پوچھ گچھ کرتی، وہ فوت ہوگیا۔ یہ معاملہ سوشل میڈیا پر ویڈیو شیئر ہونے کے بعد سامنے آیا۔ اس کے بعد پولیس حرکت میں آئی۔ ایس پی نے بتایا کہ ویڈیو پانچ دن پہلے محفوظ کی گئی تھی۔