حیدرآباد میں ایک زوماٹو ڈیلیوری بوائے سڑک حادثے میں جان کی بازی ہار گیا

ڈیلیوری بوائے کی شناخت نریش کے طور پر کی گئی ہے اور یہ واقعہ 31 اگست کی رات مادھا پور میں پیش آیا۔ 10 دن گزرنے کے باوجود اس معاملے میں کوئی معاوضہ فراہم نہیں کیا گیا ہے۔ 

تلنگانہ گِگ اینڈ پلیٹ فارم ورکرز یونین نے مطالبہ کیا ہے کہ ہندوستانی ملٹی نیشنل ریسٹورنٹ ایگریگیٹر اور فوڈ ڈیلیوری کمپنی زوماٹو متوفی کے خاندان کو فوری طور پر



معاوضہ ادا کرے۔  یونین کے بانی صدر، شیخ صلاح الدین نے کہا کہ 10 دن کی تاخیر اور سوشل میڈیا پر بڑھتے ہوئے غم و غصے کے باوجود، کمپنی نے نہ تو معاوضہ ادا کیا ہے اور نہ ہی مطالبے کا جواب دیا ہے۔ انہوں نے زوماٹو پر زور دیا کہ وہ حیدرآباد میں سڑک حادثے کا شکار ہونے والے کے خاندان کو ورک مینز کمپنسیشن ایکٹ کے تحت معاوضہ فراہم کرے۔ مطالبہ پورا نہ ہونے کی صورت میں انہوں نے متنبہ کیا کہ ورکرز ہڑتال پر جائیں گے۔