جگتیال میں سڑک حادثہ پیش آیا جس میں نظام آباد کا ایک شخص ہلاک

تلنگانہ کے جگتیال بس ڈپو کے پاس پیش آئے سڑک حادثہ میں شیخ احمد حسین کی موت واقع ہوگئی۔  شیخ احمد حسین نظام آباد کے رہائشی تھے، ابتدائی اطلاعات کے مطابق شیخ احمد حسین کسی کام پر جگتیال آئے ہوئے تھے کہ بس ڈپو کے پاس ان کی موٹر سائیکل کو ایک تیز رفتار RTC بس نے ٹکر مار دی۔ جس کے نتیجے میں شیخ احمد حسین کی موت واقع ہوگئی۔ 

پولیس نے اس سلسلہ میں مقدمہ درج



کرلیا ہے اور نعش کو پوسٹ مارٹم کے لئے جگتیال ہاسپٹل منتقل کردیا۔ 

کچھ دن قبل اسی طرح کا بس حادثہ حیدرآباد کے آرام گھر چوراہے پر پیش آیا تھا جس میں ایک نوجوان صحافی کی موت واقع ہو گئی تھی۔ آخر کب تک حکومت ان اموات کو نظر انداز کرتی رہیگی ۔ حکومت کو چاہیے کہ اس پر سخت کروائی کریں۔ 

مہلوک شیخ احمد حسین کے رشتہ داروں نے جگتیال ہاسپٹل پہنچ کر پوسٹ مارٹم کے بعد میت کو نظام آباد منتقل کردیا۔