گربا میں پتھراؤ کا الزام لگاتے ہوئے ایک شخص کو پولیس کی جانب سے پیٹا گیا ،

ریاست گجرات میں پیر کی رات ایک گربا پروگرام میں پتھراؤ کرنے کے الزام میں گرفتار ایک شخص کا ویڈیو وائرل ہوا جس میں دیکھا جاسکتا ہے کہ پولیس سادہ کپڑوں میں برقی پول سے بندھے ہوئے نوجوانوں کی پٹائی کررہی ہے۔

میڈیا رپورٹس کے مطابق جن لوگوں کو سرعام لاٹھیوں سے پیٹا جا رہا ہے وہ



مسلم طبقہ سے وابستہ ہیں اور ان پر الزام ہے کہ انہوں نے کھیڑا ضلع میں منعقدہ گربا تقریب کے دوران پتھربازی کی تھی۔ ملزمین کو پولیس نے گرفتار کیا اور جیل بھیجنے سے قبل ان کی سر عام پٹائی کی۔ ویڈیو کلپ میں دیکھا جا سکتا ہے کہ پکڑے گئے کم از کم چار سے پانچ نوجوانوں کو سادہ لباس میں ملبوس افراد کا ایک گروپ چوک پر برقی کے کھمبے سے باندھ کر پٹائی کی جارہی ہے۔