مادھوی لتا کے خلاف مذہبی جذبات کو مجروح کرنے کے الزام میں مقدمہ درج

حیدرآباد: BJP سے حیدرآباد MP امیدوار مادھوی لتا کے خلاف مبینہ طور پر مذہبی جذبات کو مجروح کرنے کے الزام میں مقدمہ درج کیا گیا ہے۔

حیدرآباد کے رہائشی شیخ عمران نے اپنی شکایت میں الزام لگایا ہے کہ مادھوی لتا نے سری رام نوامی شوبھا یاترا کے دوران ایک مسجد کی طرف تیر کا اشارہ کیا۔ اس فرقہ وارانہ ویڈیو جس میں مادھوی لتا کو ایک مسجد کی جانب تیر مارنے کا اشارہ



کرتے ہوئے دیکھا جا سکتا ہے ہم سبھی نے اس کا مشاہدہ کیا۔

مادھوی لتا اب قانونی مشکل میں پھنس گئی ہیں کیونکہ ان کی اس حرکت نے انہیں مسلم کمیونٹی کے جذبات کو ٹھیس پہنچانے کے الزام میں ایف آئی آر کا سامنہ کرنے پر مجبور کردیا ہے۔ یہ مقدمہ 20 اپریل کو تعزیرات ہند کی دفعہ 295-A (جان بوجھ کر اور بدنیتی پر مبنی حرکتیں، جس کا مقصد کسی بھی طبقے کے مذہب یا مذہبی عقائد کی توہین کرکے اس کے مذہبی جذبات کو مشتعل کرنے) کے تحت درج کیا گیا تھا۔