جگتیال میں 18 سالہ میڈیسن کے طالب علم کو پڑا دل کا دورہ

تلنگانہ کے جگتیال میں میڈیسن کے ایک 18 سالہ  طالب علم کو دل کا دورہ پڑنے سے ہاسپٹل میں داخل کرایا گیا۔ 

 تفصیلات کے مطابق جگتیال گورنمنٹ میڈیکل کالج میں سال اول کی تعلیم حاصل کرنے والے  18 سالہ عامر خان کو اتوار کی آدھی رات کو دل کا دورہ پڑا۔ بتایا جاتا ہے کہ میڈیکل کالج کے ہاسٹل میں مقیم عامر خان کی اچانک طبعیت خراب ہو گئی اور وہ چکرا کر گر پڑے اور ان  کے جسم



سے پسینہ بہنے لگا۔ جس پر ان کے ساتھی طلباء نے انہیں ڈسٹرکٹ سینٹرل ہسپتال منتقل کیا۔ جہاں ڈاکٹروں نے ابتدائی طبی امداد کے بعد اسے کریم نگر کے ایک خانگی ہاسپٹل منتقل کردیا۔ جہاں عامر خان کا علاج جاری ہے عامر خان کا تعلق راجستھان سے ہے۔ 

 عامر خان نے بتایا کہ انکے کالج کے پرنسپل اور ڈاکٹر کی جانب سے انکا علاج مفت کیا جا رہا ہے۔  ڈاکٹر نے بتایا کہ عامر خان کی طبیعت بلکل ٹھیک ہے اور کوئی گھبرانے والی بات نہیں ہے۔