حیدرآباد: اپل میں ایک سڑک حادثہ پیش آیا، 10ویں جماعت کی ایک طالبہ فوت

حیدرآباد کے اپل میں ایک سڑک حادثہ پیش آیا جس میں  10ویں جماعت کی ایک طالبہ فوت ہوگئی۔ ایک ٹپر  لاری جو آٹو کے پیچھے تھی اس نے آٹو کو ٹکر ماری جس کے وجہ سے آٹو آگے کھڑی بس کے نیچے گھس گیااور واقعہ پیش آیا۔ یہ واقعہ صبح 7:45 بجے اپل سگنل پر   پیش آیا۔  آٹو رکشہ میں گوتم ماڈل اسکول کی ایک طالبہ بیٹھی تھی جو حبسی گوڑہ  جانے کے لئے آٹو



میں سوار تھی ۔ ٹرک ڈرائیور نے بے قابو ہو کر آٹو رکشے کو ٹکر مار دی۔ مقتول کی شناخت 16 سالہ رنگا ساتھویکا کے طور پر ہوئی ہے جو تارناکہ  کی رہنے والی ہے۔ 

طالب علم اور آٹو ڈرائیور کو پرساد اسپتال ناچارم منتقل کیا گیا جہاں پہنچنے پر متاثرہ کو مردہ قرار دے دیا گیا۔ تاہم، ڈرائیور یلئیا جو شدید طور پر زخمی ہوا تھا زیر علاج ہے۔ ٹرک ڈرائیور کو گرفتار کر کے مقدمہ درج کر لیا گیا ہے۔