تملناڈو کی پٹاخہ فیکٹری میں زورداردھماکہ،9افراد جاں بحق

ذرائع:

تملناڈو:تملناڈو میں آتشبازی کے اشیاء تیارکرنے والی فیکٹری میں پیش آئے زوردار دھماکے میں9 مزدورجاں بحق ہوگئے۔ یہ افسوسناک واقعہ تملناڈو کے ویردھونگر ضلع کے ستور بلاک کے موتو سامی پورم گاؤں میں پیش آیا۔ مقامی لوگوں کی تفصیلات کے مطابق گاؤں میں آتش بازی کی اشیاء تیارکرنے والی نجی فیکٹری میں زوردار



دھماکہ ہوا۔ اس وقت 9 مزدور آگ کی لپیٹ میں آکر جاں بحق ہوگئے۔

مرنے والوں میں پانچ خواتین بھی شامل ہیں۔بتایاجارہاہےکہا کہ دھماکہ میں بعض لوگ شدید زخمی ہوگئے۔ دھماکے کی اطلاع ملتے ہی پولیس اور فائر سرویس نے موقع پر پہنچ کر آگ پر قابو پالیا۔ زخمیوں کو علاج کے لئے مقامی اسپتال لے جایا گیا۔پولیس ایک کیس درج کرکے مزید تحقیقات کررہی ہے۔