گجرات میں فرقہ وارانہ لڑائی 40 گرفتار۔

نیودہلی: ریاست گجرات کے وڈورا میں فرقہ وارانہ تصادم کی وجہ سے حالات کشیدہ ہوگئے اور40 افراد کو گرفتارکرلیا گیا ۔  ذرایہ کے مطابق دو گروپوں نے ایک دوسرے پر سنگباری کی جس کی اطلاع موصول ہونے پر پولیس موقع پر پہنچی اور تقریباً 40 افراد کو گرفتار کر لیا۔ صورتحال کو دیکھتے ہوئےعلاقہ میں پولیس کا بھاری بندوبست کردیا گیا ہے۔

 نوراتری کے موقع پر گربا کھیلنے کے بعد دو



گروپوں میں جھڑپ ہوئی۔ سنگباری کے نتیجہ میں کئی گاڑیوں کو نقصان پہنچا۔ وڈودرا کے پولیس عہدیدارپی آر پٹیل کے مطابق میلاد النبیؐ قریب ہےجس کے پیش نظر کچھ لوگوں نے مندر کے نزدیک واقع الکٹرک پول پرمذہبی پرچم لگائے تھے۔ ہندو طبقہ کے لوگوں نے اس پر اعتراض ظاہر کیا اور کہا کہ اس سے ان کے مذہبی جذبات کو ٹھیس پہنچی ہے۔ پولیس کے مطابق اس تنازعہ کے بعد جھگڑا بڑھا اورسنگباری ہوئی۔ پولیس نے دونوں گروپوں کے خلاف ایف آئی آر درج کر کے 40 افراد کو گرفتار کر لیا ہے۔