جمشید پور تشدد میں بی جے پی لیڈر سمیت 3 مزید گرفتار

جمشید پور: پولیس نے جمشید پور میں مذہبی پرچم کی مبینہ بے حرمتی پر تشدد کے حالیہ پھیلنے کے سلسلے میں ایک بی جے پی لیڈر سمیت تین مزید افراد کو گرفتار کیا، ایک افسر نے چہارشنبہ کو بتایا۔

بی جے پی جمشید پور مہانگر کمیٹی کے نائب صدر سدھانشو اوجھا کو پولیس نے منگل کی رات گرفتار کر لیا۔

افسر نے بتایا کہ اس کے ساتھ اب تک بی جے پی لیڈروں - ابھے سنگھ اور سدھانشو اوجھا سمیت کل 70 لوگوں کو شاستری نگر علاقے میں دو مختلف برادریوں سے تعلق رکھنے والے دو گروپوں کے درمیان اتوار کو ہونے والے تشدد کے سلسلے میں گرفتار کیا گیا ہے۔

دریں اثنا،چہارشنبہ کو یہاں کی ایک مقامی عدالت میں وکلاء نے ایک وکیل کو ہتھکڑیاں لگانے کے خلاف احتجاج کرنے کے لیے عدالتی کام کا بائیکاٹ



کیا، جسے منگل کو شاستری نگر میں تشدد کے سلسلے میں گرفتار کیا گیا تھا۔

جمشید پور کی عدالت میں پریکٹس کرنے والے وکیل چندن چوبے کو اتوار کے روز مذہبی جھنڈے کی مبینہ بے حرمتی پر تشدد کے سلسلے میں پولیس نے گرفتار کر کے ہتھکڑیاں لگا دی تھیں۔

جمشید پور بار ایسوسی ایشن کی ایڈہاک کمیٹی کے سربراہ، اجیت امباستا نے کہا، "ہم چوبے کے ہاتھوں کوہتکڑیاں لگانے کے خلاف سخت احتجاج کرتے ہیں اور 12 گھنٹے کے اندر غلطی کرنے والے پولیس افسران کے خلاف کارروائی کا مطالبہ کرتے ہیں ورنہ ہم کل بھی احتجاج جاری رکھنے پر مجبور ہوں گے۔"

"ہم ڈپٹی کمشنر سے ملاقات کریں گے اور انہیں چوبے کے ساتھ کیے گئے سلوک کے بارے میں آگاہ کریں گے،" انہوں نے کہا

وکلا نے عدالت کے احاطے میں مظاہرہ بھی کیا اور انتظامیہ کے خلاف شدید نعرے بازی کی۔