اوريا سڑک حادثہ میں 24 مہاجر مزدور ہلاک

اوريا، 16 مئی ( یواین آئی) اترپردیش میں ضلع اوريا کے چروهلي علاقے میں سنیچر کی صبح قومی شاہراہ پر ایک منی ٹرک اور ٹرالے کے مابین ٹکر میں دوسری ریاستوں سے اپنے گھر واپس لوٹ رہے کم از کم 24 مزدور ہلاک ہو گئے جبکہ 18 دیگر شدید زخمی ہو گئے ۔

پولیس ذرائع نے بتایا کہ چونا بردار ایک ٹرالے میں سوار ہو کر مزدور فرید آباد اور بنگال سے گورکھپور کے لئے جا رہے تھے ۔ چروهلي کے پاس پہلے سے کھڑے منی



ٹرک سے ٹرالا ٹکرا گیا ۔ ٹکر کے بعد دونوں گاڑیا ں کھڈ میں پلٹ گئیں ۔ اس حادثے میں 24 سے زائد مزدوروں کے ہلاک ہونے اور 18 کے زخمی ہونے کی اطلاع موصول ہوئی ہے ۔انہوں بتایا کہ موقع پر ضلع مجسٹریٹ ابھیشیک سنگھ اور پولیس سپرنٹنڈنٹ سنيت سمیت کئی اعلی افسران بھاری پولیس فورس کے ساتھ موجود ہیں ۔ کرین کے سہارے ٹرالے اور ڈي سی ایم میں پھنسے مزدوروں کو نکال کر ایمبولینس سے ضلع اسپتال پہنچایا جا رہا ہے ۔