آسام کے گولہ گھاٹ میں سڑک حادثہ میں 14 افراد ہلاک اور 27 دیگر زخمی ہوگئے

گوہاٹی، 3 جنوری (یو این آئی) آ سام کے گولہ گھاٹ میں آج علی الصبح ایک خوفناک سڑک حادثہ میں 14 افراد ہلاک اور 27 دیگر زخمی ہوگئے۔

بتایا جاتا ہے کہ گولہ گھاٹ کے ڈیڑگاوں کے نزدیک صبح 5 بجے مسافروں سے بھری ایک بس اور تیل ٹینکر درمیان ٹکر کے نتیجے میں یہ حادثہ ہوا، جس میں 12 افراد کی موقع پر ہی موت ہو گئی جبکہ دو



دیگر نے علاج کے دوران اسپتال میں دم توڑ دیا اور 27 افراد زخمی ہو گئے۔ بس میں کل 45 افراد سوار تھے۔ حادثہ کا شکار تمام افراد ایک ہی گاوں کے تھے ، جو نئے سال کے موقع پر ایک مندر کے درشن کے لئے علی الصبح تین بجے بس میں سوار ہو کر روانہ ہوئے تھے اور صبح پانچ بجے یہ حادثہ ہو گیا۔ مقامی انتظامیہ نے اس حادثہ کی انکوائری کا حکم دیدیا ہے۔