آسام میں بھیانک سڑک حادثہ،14افرادہلاک

ذرائع:

ڈیرگاوں:آسام میں پیش ایک بھیانک سڑک حادثے میں 14 افراد کی موت ہو گئی۔ جاں بحق ہونے والوں میں تین بچے بھی شامل ہیں۔ حادثے میں 27 افراد شدید زخمی ہوئے ہیں۔بتایاجارہاہے گولاگھاٹ ضلع کے ڈیرگاؤں کے قریب بالیجان میں 3 جنوری کی صبح ایک ٹرک اور بس کے درمیان تصادم ہوا۔ جس میں 3 بچوں سمیت 14 افراد موقع پر ہی دم توڑ گئے۔

اطلاعات کے مطابق بس میں 45 افراد سوار تھے۔اورسبھی پکنک منانے کے لئے اٹکیلیا سے بوگی بیل جا رہے تھے۔ وہاں سب کو تینسوکیا کے تلنگا مندر جانا تھا۔ راستے میں بالیجان کے قریب کوئلے سے



بھرا ٹرک بس کے سامنے آگیا۔ ٹرک مارگریٹا سے آرہا تھا۔ یہ واقعہ چہارشنبہ کی صبح تقریباً 5 بجے پیش آیا۔ واقعہ کی اطلاع ملتے ہی مقامی پولیس موقع پر پہنچ گئی اور لوگوں کی مدد کر رہی ہے۔ مقامی لوگوں کی مدد سے راحت اور بچاؤ کا کام کیا۔

زخمیوں کو علاج کے لئے جورہاٹ میڈیکل کالج  بھیج دیا گیا ہے۔ ان میں سے کئی افراد کی حالت تشویشناک بتائی جاتی ہے۔ حادثے میں جان کی بازی ہارنے والے 14 افراد کی لاشیں پوسٹ مارٹم کے لئے بھیج دی گئی ہیں۔ پولیس نے معاملے کی تفتیش شروع کر دی ہے۔بتایاجارہاہے کہ حادثےکے وقت سڑک پر دھند چھائی ہوئی تھی۔