جولائی میں تھوک افراط زر کی شرح 1.08 فیصد

نئی دہلی، 14 اگست (ایجنسی) سمندری مچھلی ، چائے اور پان کے پتوں کی قیمتوں میں کمی واقع ہونے کی وجہ سے تھوک قیمتوں پر مبنی تھوک افراط زر کی شرح رواں سال کے جولائی میں کم ہوکر 1.08 فیصد پر آگئی ہے جو کہ اس سے پچھلے مہینے 2.02 فیصد اور جولائی 2018 میں 5.27 فیصد تھی۔

آج یہاں جاری حکومتی اعدادوشمار کے مطابق ، رواں مالی سال میں تھوک افراط زر کی شرح 1.08 فیصد ریکارڈ کی گئی ہے۔ اس سے پچھلے مالی سال کے اسی عرصے میں یہ تعداد 3.1 فیصد



تھی۔

غذائی اشیاء میں سمندری مچھلی کی قیمتوں میں سات فیصد ، چائے میں چھ فیصد ، پان کے پتے میں پانچ فیصد ، مرغی میں تین فیصد اور مچھلی اور اورد کی قیمت میں ایک فیصد کمی واقع ہوئی ہے۔ تاہم ، اسی زمرے میں ، پھلوں اور سبزیوں کی قیمتیں پانچ فیصد ، انڈا ، مکئی اور جوار چار فیصد ، سور کا گوشت تین فیصد ، گائے اور بھینس کا گوشت ، باجرا ، گندم اور مسالہ دو فیصد اور جو ، مونگ ، دھان ، مٹر کی پھلی ، راگی اور ارہر میں ایک فیصد فیصد اضافہ ریکارڈ کیا گیا ہے۔