مالیہ کے خلاف دیوالیہ کارروائی روکنے سےسپریم کورٹ کا انکار

نئی دہلی، 6جنوری (یو این آئی)سپریم کورٹ نے مفرور شراب کاروباری وجے مالیہ کے خلاف چل رہی دیوالیہ کارروائی روکنے سے فی الحال انکار کردیا ہے اعلی عدالت نے پیرکو کہاہےکہ مالیہ اپنی زیر التوا عرضی کی بنیاد بناکر دیگر عدالتی شعبوں میں اپنے خلاف شروع کی گئی دیوالیہ کی کارروائی روکنے کی درخواست نہیں کرسکتے ہیں مرکزی حکومت نے اعلی عدالت کو اطلاع دی تھی کہ مالیہ نے برطانیہ کی عدالت میں دیوالیہ کارروائی کا فیصلہ سنانے سے روکنے کے لئے اپنی



زیرالتوا عرضی کا استعمال کیا تھا جس کےبعد چیف جسٹس ایس اے بوبڈے کی صدارت والی بنچ نے یہ حکم پاس کیا۔

عدالت نے کہا ہے کہ مالیہ اعلی ترین عدالت میں زیر التوا عرضی کے بنیاد پر اسٹیٹ بینک آف انڈیا کے ذریعہ برطانیہ میں شروع کئےگئے انسالوینسی عمل روک نہیں سکتے۔

عدالت اس معاملے میں اب جمعہ کو سماعت کرے گی۔ مفرور معاشی مجرم وجےمالیہ کے ذریعہ اس کے اور اس کے اہل خانہ کے اراکین کے مالکانہ جائیداد کو ضبط کرنے کو چیلنج کرنے کے لئے عرضی دائر کی گئی ہے۔