معدنی گیس کا استعمال بڑھایا جائے گا: مودی

پنجی، 06 فروری (یو این آئی) وزیر اعظم نریندر مودی نے منگل کے روز کہا کہ ملک کے اندر مختلف شکلوں میں قدرتی گیس کے استعمال کو بڑھایا جائے گا۔ وزیر اعظم نے کہا کہ حکومت ملک میں ہر جگہ سستی قیمتوں پر توانائی کی دستیابی کو یقینی بنانے کی کوشش کر رہی ہے اور عالمی منڈی میں اتھل پتھل کے باوجو د



ہندوستان ایک ایسا ملک ہے جہاں گزشتہ دو سالوں میں پٹرول اور ڈیزل کی قیمتوں میں کمی آئی ہے۔ انہوں نے یہ بھی کہا کہ ملک میں اس وقت مختلف قسم کی بنیادی توانائی پیدا کرنے میں قدرتی گیس کے تناسب کو چھ فیصد سے بڑھا کر پندرہ فیصد کرنے کا ہدف ہے۔ اس کے لیے پانچ سے چھ سالوں میں سات ارب ڈالر کی سرمایہ کاری کا منصوبہ ہے۔