اقتصادی ترقی پر عالمی نقطہ نظر کی وجہ سے سینسیکس-نفٹی میں ہلچل

ممبئی، 10 جون (یو این آئی) یورپی سینٹرل بینک (ای سی بی) کی شرح سود میں اضافہ پر رہنما خطوط اور امریکہ میں مہنگائی کے جاری ہونے والے اعدادوشمار سے عالمی اقتتصادی ترقی کی رفتار کے سلسلے میں گھبرائے سرمایہ کاروں کی چوطرفہ فروخت سے آج سینسیکس اور نفٹی میں آج کہرام مچ گیا۔

ای سی بی نے جمعرات کو کہا کہ وہ اگلے ماہ 2011 کے بعد پہلی بار شرح سود میں اضافہ کرے گا۔ جمعہ کو جاری ہونے والے امریکی اعداد و شمار میں اندازہ لگایا گیا ہے کہ اگر خوردہ افراط زر میں اضافے کی رفتار برقرار رہی تو فیڈرل ریزرو اگلے ہفتے شرح سود میں 50 بیسس پوائنٹس کا اضافہ کر سکتا ہے۔ ایسی صورتحال میں عالمی معیشت کی ترقی کی رفتار سے پریشان سرمایہ کاروں کی



فروخت سے غیر ملکی اسٹاک مارکیٹ دو ہفتے کی کم ترین سطح پر آگئی۔

اس دوران برطانیہ کا ایف ٹی ایس ای 1.25، جرمنی کا ڈی اے ایکس 1.46، جاپان کا نکی 1.49 اور ہانگ کانگ کا ہینگ سینگ 0.29 فیصد گر گیا۔ دوسری جانب چین کے شنگھائی کمپوزٹ میں 1.42 فیصد اضافہ ہوا۔

گرتی ہوئی بین الاقوامی منڈیوں کے دباؤ کے تحت مقامی سطح پر زبردست فروخت ہوئی جس کی وجہ سے بی ایس ای کا تیس حصص کا حساس انڈیکس سینسیکس 1016.84 پوائنٹس کی نفسیاتی سطح سے 55 ہزار پوائنٹس کی کمی سے 54 ہزار 303.44 پوائنٹس اور نیشنل سٹاک ایکسچینج( این ایس ای) نفٹی 276.30۔پوائنٹ ڈوب کر 16,201.80 پر آگیا۔ بی ایس ای مڈ کیپ بھی 0.64 فیصد گر کر 22,490.32 پوائنٹس اور اسمال کیپ 0.70 فیصد گر کر 25,857.42 پوائنٹس پر آگیا۔