ریٹرن فائل کرنے کے پورٹل کے مسائل جلد ہی حل ہو جائیں گے: سیتارمن

نئی دہلی، 16 اگست (یو این آئی) وزیر خزانہ نرملا سیتارمن نے آج کہا کہ انکم ٹیکس ریٹرن آن لائن فائل کرنے کے نئے پورٹل میں درپیش مسائل ایک یا دو دنوں میں حل ہو جائیں گے محترمہ سیتارمن نے یہاں نامہ نگاروں سے بات کرتے ہوئے کہا کہ جون میں جب اس پورٹل کو لانچ کیا گیا تھا اس وقت کچھ مسائل پیش آئے تھے اور اس کے بعد پورٹل چلانے والی کمپنی انفوسس سے رابطہ کیا گیا اور اسے درست کرنے کے لیے کہا گیا۔ ریونیو سکریٹری ہفتہ وار بنیادوں پر اس کی



نگرانی کر رہے ہیں اور انفوسس کے نندن نیلکانی نے بھی اس سلسلے میں ایک پریزنٹیشن دی ہے۔

انہوں نے کہا کہ اس حوالے سے ٹیکس دہندگان کی طرف سے تجاویز آئیں تھیں اور انہوں نے پرانے پورٹل کو بحال کرنے کی اپیل بھی کی تھی لیکن ایسا نہیں ہو سکا کیونکہ نئے پورٹل پر کئے گئے انتظامات پرانے پر موجود نہیں ہیں۔ وزیر خزانہ نے کہا کہ انڈین انسٹی ٹیوٹ آف چارٹرڈ اکاؤنٹنٹس سے بھی اس سلسلے میں رابطہ کیا گیا۔ اب ایک دو دن میں تمام مسائل حل ہو جائیں گے۔