ٹاٹا گروپ کے چیئرمین رتن ٹاٹا کی حالت تشویشناک، ممبئی کے اسپتال میں شریک

ممبئی،9 اکتوبر(ذرائع) بھارت کی سب سے بڑی کمپنی ٹاٹا سنز کے اعزازی چیئرمین رتن ٹاٹا کی صحت ایک بار پھر سنگین ہو گئی ہے۔ معلومات کے مطابق انہیں ممبئی کے ایک اسپتال میں شریک کرایا گیا ہے۔ وہیں اس سے دو دن پہلے (7 اکتوبر) بھی انکی صحت بگڑنے کی اطلاع نیوز چینل میں نشر ہوئی تھی- تاہم اس معاملے میں انہوں نے اپنے آفیشل اکاؤنٹ (ٹوئٹر) پر ایک پوسٹ کے ذریعے اپنی صحت کے بارے میں بتایا کہ وہ صحت مند ہیں۔

انہوں نے خود ان دعوؤں کی



تردید کی اور اپنے آئی سی یو میں داخل ہونے کے دعوؤں کو افواہ قرار دیا۔ اس دوران انہوں نے سوشل میڈیا پوسٹ میں لکھا - 'میں اپنی صحت کے بارے میں حال ہی میں پھیلائی جانے والی افواہوں سے واقف ہوں۔ میں سب کو یقین دلانا چاہتا ہوں کہ یہ دعوے بے بنیاد ہیں۔ میں اس وقت اپنی عمر اور صحت کی وجہ سے ضروری طبی معائنہ کروا رہا ہوں۔ پریشان ہونے کی کوئی بات نہیں ہے۔ میں ٹھیک محسوس کر رہا ہوں۔ میری آپ سے درخواست ہے کہ عوام اور میڈیا غلط معلومات پھیلانے سے گریز کریں۔