چار دنوں بعد ڈیزل میں راحت، پیٹرول کی قیمت میں چھٹے دن بھی کوئی بدلاؤ نہیں

نئی دہلی/17اگسٹ(ایجنسی) لگاتار چھٹے دن پیٹرول کی قیمت میں کوئی بدلاؤ نہیں ہوا، حالانکہ چار دنوں تک مستحکم رہنے کے بعد ہفتہ کو ڈیزل کی قیمت میں 5 پیسے فی لیٹر کی کٹوتی ہوئی ہے- اس مہینے میں اب تک  پیٹرول قریب 90 پیسے فی لیٹر



اور ڈیزل قریب 65 پیسے فی لیٹر سستا ہوا ہے- امید کی جارہی ہے کہ آنے والے دنوں میں یہ اور بھی سستا ہوگا-

انڈین آئیل کی ویب سائٹ کے مطابق دہلی، کولکتہ ، ممبئی اور چنئی میں پیٹرول کی قیمت 71.99 روپئے، 74.69روپے، 77.65 روپے اور 74.78 روپے فی لیٹر بنے رہے۔