ٹیکس بڑھنے سے پٹرول ڈیزل تقریباً ڈھائی روپے مہنگا

نئی دہلی، 6 جولائی (ایجنسی) بجٹ میں حکومت کی طرف سے پٹرول اور ڈیزل پر دو دو روپے ٹیکس بڑھانے سے ہفتہ کو ان کی قیمتیں تقریباً ڈھائی روپے بڑھ گئیں۔

قومی دارالحکومت دہلی میں پٹرول 2.45 روپے بڑھ کر 72.96 روپے فی لیٹر تک پہنچ گیا، اور یہ 8 مئی کے بعد قیمت کی سب سے اونچی سطح ہے۔ ملک کی سب سے بڑی تیل مارکیٹنگ کمپنی انڈین آئل كاررپوریشن سے ملنے والی اطلاعات کے مطابق یہاں ڈیزل بھی 2.36 روپے مہنگا ہوکر 66.69 روپے فی لیٹر ہو گیا جو چار مئی کے بعد سب سے اونچی قیمت ہے۔

حکومت نے پٹرول ڈیزل پر اسپیشل ایڈیشنل ایکسائز



ڈیوٹی ایک ایک روپے اور سڑک اور بنیادی انفرا سٹرکچر ذیلی ٹیکس ایک ایک روپے بڑھا ہے۔ اس سے ملک کے دیگر حصوں میں بھی دونوں ایندھنوں کے دام بڑھے ہیں۔

کولکتہ میں پٹرول دو روپے 40 پیسے مہنگا ہوکر 75.15 روپے فی لیٹر اور ڈیزل 2.36 روپے بڑھ کر 68.59 روپے پر فی لیٹر فروخت ہورہاہے۔

ممبئی اور چنئی میں پٹرول کی قیمت بالترتیب 2.42 روپے اور 2.57 روپے بڑھے۔ ممبئی میں آج پٹرول کی قیمت 78.57 روپے اور چنئی میں 75.76 روپے رہی۔

ڈیزل کی قیمت ممبئی میں ڈھائی روپے بڑھ کر 69.90 روپے اور چنئی میں 2.52 روپے بڑھ کر 70.48 روپے فی لیٹر تک پہنچ گئی۔