پٹرول اور ڈیزل کی قیمت میں اضافہ

نئی دہلی/11اگست(ایجنسی) ملک کے میٹرو شہروں میں رہنے والے صارفین کو آج سرکاری تیل کمپنیوں نے جھٹکا دیا ہے، ملک کے چار میٹرو شہروں ممبئی،دہلی،کولکتہ، اور چنئی میں تیل کی قیمتوں میں لگاتار دوسرے دن اضافہ ہوگیا ہے، انڈین آئیل کارپوریشن کے ریٹ چارٹ کے مطابق دہلی میں پیٹرول



کی قیمت ہفتہ کو 77.23 روپے فی لیٹر، ممبئی میں 84.67 روپے فی لیٹر ہے جبکہ کولکتہ اور چنئی میں پٹرول کی قیمت بالترتیب 80.18 روپے اور 80.23 روپے فی لیٹر ہے. اسی طرح، ڈیزل کی قیمت دہلی میں ہفتہ کو 68.71 روپے فی لیٹر، ممبئی میں 72.94 روپے فی لیٹر ہو گئی. جبکہ، کولکتہ میں 71.55 اور چنئی میں 72.57 روپے فی لیٹر ہے.