پٹرول اور ڈیزل کی شرح میں لگاتار دوسرے دن راحت

نئی دہلی/4جولائی(ایجنسی) بین الاقوامی مارکیٹ میں خام تیل کی قیمتوں میں چل رہی ہلچل کے درمیان گھریلو بازار میں پیٹرول-ڈیزل میں راحت کا سلسلہ دوسرے دن بھی جاری رہا- پیٹرول و ڈیزل کی قیمت میں چھ دن کی تیزی کے بعد لگاتار دوسرے دن قیمت مستحکم رہی- جمعرات کو دہلی میں پیٹرول - ڈیزل کی قیمت پرانے سطح پر ہی قائم رہے- اس سے



پہلے چہارشنبہ کو بھی قیمت میں کوئی بدلاؤ نہیں ہوا ہے- جمعرات کو دہلی میں پیٹرول 70.51 روپے فی لیٹر اور ڈیزل 64.33 روپے فی لیٹر کی سطح پر فروخت ہورہا ہے-

جمعرات کی صبح کولکتہ میں پیٹرول 72.75 روپے اور ڈیزل 66.23 روپے کے پرانے سطح پر رہا- وہیں ممبئی میں 76.15 روپے و ڈیزل 67.40 روپے اور چنئی میں 73.20 روپے اور ڈیزل 67.97 روپے فی لیٹر فروخت رہا ہے-