بہ آسانی ای پی ایف نکالنے کے لیے نوڈل افسر مقرر

نئی دہلی، 30 مارچ (یو این آئی) دہلی حکومت نے کورونا وبا کے پیش نظر پرووِیڈنٹ فنڈ-ای پی ایف کو بہ آسانی نکالنے کے لیے لیبر ڈپٹی کمشنر گُرمُکھ سنگھ کو نوڈل افسر مقرر کیا ہے۔ مسٹر سنگھ کی تقرری علی الفور نافذ ہوگئی ہے۔

کورونا وبا سے نمٹنے میں مزدوروں کی مدد اور اس مدت میں دیگر مسائل کے حل کے لیے نوڈل افسر کے بطورمسٹر سنگھ کی تقرری کی گئی



ہے۔

مسٹر سنگھ سے موبائل فون نمبر 9871290727 پر رابطہ کیا جا سکتا ہے۔ علاوہ ازیں لیبر ہیلپ لائن نمبر 155214 دوبارہ شروع کر دیا گیا ہے۔ ہیلپ لائن پر درج کروائی گئی شکایتیں نوڈل افسر کو بھیج دی جائیں گی۔

لاک ڈاؤن کے دوران لیبر کی رہائش، کھانہ اور صحت سے متعلق مسائل کے لیے بھی نوڈل افسر سے رابطہ کیا جا سکتا ہے۔ ان مسائل کا حل علاقے کے ضلع مجسٹریٹ کے ساتھ مل کر کیا جائے گا۔