مکمل لاک ڈاؤن کے دوران 60 لاکھ سے زیادہ لوگوں نے ہوائی سفرکیا

نئی دہلی، 22 اگست (یواین آئی) کووڈ۔19 وبا کی وجہ سے مکمل لاک ڈاؤن کے بعد گھریلو پروازوں کی دوبارہ ابتدا سے اب تک 60 لاکھ سے زیادہ ہوائی مسافروں نے سفر کیا۔

وزیرشہری پرواز ہردیپ سنگھ پوری نے آج ایک ٹوئٹ کرکے یہ جانکاری دی۔ انہوں نے کہا کہ ’’ہمارے آسمان اور ہوائی اڈوں پر سرگرمیاں تیز ہیں۔ 25 مئی سے اب تک 67,602 پروازوں سے 60 لاکھ سے زیادہ لوگ سفر کرچکے



ہیں۔‘‘

کووڈ کے انفیکشن کو کنٹرول کرنے کے لئے ملک میں معمول کی مسافر پروازیں 25 مارچ سے بند کردی گئی تھیں۔ دو مہینے بعد 25 مئی سے کئی نئے التزامات کے ساتھ محدود تعداد میں معمول کی گھریلو پروازوں کی اجازت دی گئی ہے۔ معمول کی بین الاقوامی پروازیں اب بھی بند ہیں۔

سرکاری اعدادوشمار کے مطابق جمعہ کو گھریلو راستوں پر 861 معمول کی پروازوں کی آپریٹنگ ہوئیں۔ ان میں 78,968 لوگوں نے سفر کیا۔