شہری ہوابازی کی وزارت نے پروازوں کی منسوخی پر ایئر انڈیا سے رپورٹ طلب کی

نئی دہلی، 08 مئی (یو این آئی) شہری ہوا بازی کی وزارت نے ایئر انڈیا ایکسپریس سے کئی پروازوں کی منسوخی کی وجہ سے مسافروں کو ہونے والی تکلیف کے بارے میں رپورٹ طلب کی ہے۔ وزارت نے ایئر لائنز سے مسافروں کی سہولیات کو یقینی بنانے کو بھی کہا ہے۔ ایئر انڈیا نے کہا ہے کہ اس کے کیبن کریو کے اراکین کی ایک بڑی تعداد نے بیماری کی



وجہ بتا کر اچانک چھٹی لے لی ہے۔ ایئر لائن نے کہا کہ اسے مسافروں کو ہونے والی تکلیف پر افسوس ہے اور وہ کیبن کریو کے اراکین سے بات چیت کر رہی ہے۔ وزارت نے ایئر لائن سے کہا ہے کہ وہ اس پیشرفت کے حوالے سے تفصیلی رپورٹ پیش کرے۔ اطلاعات کے مطابق کیبن کریو کے اراکین کے چھٹی پر جانے کی وجہ سے ایئر لائن کو 70 سے زائد پروازیں منسوخ کرنا پڑی ہیں۔