آئی ڈی بی آئی بینک میں 9,300کروڑ روپے کی سرمایہ کاری

نئی دہلی، 3 ستمبر (یو این آئی) حکومت نے آئی ڈی بی آئی بینک میں 9300کروڑ کی ازسرمایہ کاری کو منظوری دے دی ہے۔

وزیراعظم نریندر مودی کی صدارت میں کابینہ کی منگل کویہاں ہوئی میٹنگ میں اس سلسلہ کی تجویز کو منظوری دی گئی۔ میٹنگ میں کئے گئے فیصلے کی معلومات دیتے ہوئے اطلاعات و نشریات کے و زیر پرکاش جاوڈیکر نے نامہ نگاروں سے کہاکہ اس بینک میں ایل آئی سی کی 51فیصد اور حکومت کی 49فیصد حصہ داری ہے۔ دونوں شیئر ہولڈر اس میں 9,200کروڑ روپے سے زیادہ کی سرمایہ کاری کریں گے۔ اس میں ایل آئی سی 4,700کروڑ سے زیادہ کی اور حکومت



4,500کروڑ روپے سے زیادہ کی سرمایہ کاری کرے گی۔

انہوں نے کہاکہ رواں مالی سال کی پہلی سہ ماہی میں بینک نے 3,800کروڑ روپے کا منافع کمایا ہے اور ایل آئی سی کے 250کروڑ روپے پریمیم کی پالیسیاں فروخت کی ہیں۔ بینک کا آئندہ مالی سال میں دو ہزار کروڑ روپے کے پریمیم کی پالیسیاں فروخت کرنے کا ہدف ہے۔ اس کے ساتھ ہی بینک ہوم لون سمیت مختلف شعبوں میں بھی کاروبار بڑھانے کی تیاری کررہا ہے۔

ایل آئی سی نے اقتصادی طورپر کمزور ہوچکے اس بینک میں کنٹرولر نے 51فیصد حصص گزشتہ برس حاصل کئے تھے۔ ابھی اس بینک میں حکومت اور ایل آئی سی کی حصہ داری ہے۔