عالمی دباؤ میں سونا 845 روپے کم ہوا

نئی دہلی 25 فروری (یواین آئی) بیرون ملک میں پیلے دھات کے 1،650 ڈالر فی اونس سے نیچے گرنے کی وجہ سے دہلی صرافہ مارکیٹ میں سونا چوٹی سے پھسلتا ہوا آج 845 روپے کم ہوکر 43،795 روپے فی دس گرام پر آ گیا۔

چاندی بھی 800 روپے کی گراوٹ کے ساتھ 49،350 روپے فی کلو گرام کے حساب سے فروخت ہوا۔ بین الاقوامی مارکیٹ میں دونوں قیمتی دھات پر دباؤ کا اثر مقامی مارکیٹ میں بھی دیکھا گیا۔

لندن اور نیویارک سے



ملی معلومات کے مطابق، پیر کے روز کاروبار میں 1،688.66 ڈالر فی اونس کے سات سال کی اعلی ترین سطح کو چھونے والا سونا آج 6.80 ڈالرٹوٹ کر 1،646.60 ڈالر فی اونس پر آ گیا۔ مارکیٹ کے تجزیہ کاروں نے بتایا کہ سرمایہ کاروں کی منافع وصولي سے پیلی دھات دباؤ میں آ گئی۔

اپریل کا امریکی سونا وعدہ بھی 26.20 ڈالرکم ہوكر 1،650.40 ڈالر فی اونس بولا گیا۔ چاندی حاضر 0.20 ڈالر کی گراوٹ میں 18.38 ڈالر فی اونس کے حساب سے فروخت ہوئی۔