جی ڈی پی میں کمی جاری، حکومت نے شرح نمو کا تخمینہ کم کیا

نئی دہلی، 28فروری (ایجنسی) زراعت، مینوفیکچرنگ ،کان اور کانکنی کی سرگرمیوں میں سست روی کی وجہ سے رواں مالی سال کی تیسری سہ ماہی میں مجموعی گھریلو پیداوار (جی ڈی پی) کی شرح 6.6رہی اور اس کی وجہ سے 31 مارچ کو ختم



ہورہے مالی سال کے لئے جی ڈی پی کی شرح نموکا تخمینہ کم کرکے سات فیصد کردیا گیا ہے۔

سنٹرل اسٹیٹسکٹس آفس ( سی ایس او) کی طرف سے جمعرات کو یہاں جاری دوسرے پیشگی تخمینہ میں یہ اعدادو شمار جاری کئے گئے ہیں۔ رواں مالی سال کی پہلی سہ ماہی میں ترقی کی شرح کی آٹھ فیصد رہی تھی۔