بی ایس این ایل جلد لانچ کرے گا 5جی، وزیر خزانہ نرمل سیتارامن کے بیان سے جیو اور ایئرٹیل پریشان

بزنس/14 اگسٹ (ذرائع)  ہندوستان کی سرکاری ٹیلی کام کمپنی بی ایس این ایل جلد ہی ملک میں سپرفاسٹ 5جی انٹرنیٹ سروس فراہم کرنے کی تیاری کر رہی ہے۔ وزیر خزانہ نرملا سیتا رمن نے منگل کو کہا کہ حکومت اس کام میں بی ایس این ایل کی مدد کر رہی ہے۔ بی ایس این ایل کا پلان ہے کہ وہ مارچ 2025 تک پورے ملک میں 4 جی نیٹ ورک بچھادے گا، اور اسکے بعد اگلے چھ سے آٹھ مہینوں میں 5 جی سروس شروع کردے گا۔

وزیر خزانہ نرملا سیتا رمن نے بھوپال میں انڈین انسٹی ٹیوٹ آف سائنس ایجوکیشن اینڈ ریسرچ کے 11ویں کانووکیشن میں کہا کہ 'بی ایس این ایل جلد ہی



5جی شروع کرے گا۔ بی ایس این ایل کو اس کام کے لیے حکومت کی طرف سے کافی پیسہ بھی دیا گیا ہے-  منی کنٹرول کی رپورٹ کے مطابق، بی ایس این ایل اگلے سال تک 5جی لانچ کرنے کی تیاری میں ہے۔ حکومت کا مقصدہے کہ سال 2025 کے آخر تک بی ایس این ایل کے لیے پاس 25فیصد موبائل صارفین ہوں۔

ٹیلی کام ریگولیشن آف انڈیا کے اعداد و شمار کے مطابق، ابھی بی ایس این ایل کے پاس 7.4فیصد مارکیٹ شیئر کے ساتھ تقریباً 8.6 کروڑ صارفین ہیں۔

ابھی جیو اور ایئرٹیل جیسی نجی کمپنیاں 5جی ریس میں آگے ہیں، لیکن بی ایس این ایل کو اسکی خدمات کو بہتر بنانے کے لیے کافی پیسہ دے رہی ہے-