جی ڈی پی بڑھنے سے اسٹاک مارکیٹ نے لگائی چھلانگ

ممبئی یکم دسمبر (یو این آئی ) رواں مالی سال کی دوسری سہ ماہی میں مجموعی گھر یلو پیداوار ( جی ڈی پی) کی شرح گزشتہ مالی سال کی اسی مدت میں 6.2 فیصد سے بڑھ کر توقع سے زیادہ 7.6 فیصد پر پہنچنے سے پر جوش سرمایہ کاروں کی چوطرفہ خریداری کی بدولت آج اسٹاک مارکیٹ نے مسلسل چوتھے روز



چھلانگ لگائی۔

بی ایس ای کا 30 شیئر ز والا حساس انڈیکس سینسیکس 492.75 پوائنٹس یعنی 0.74 فیصد کے اضافے کے ساتھ 67 ہزار پوائنٹس کی نفسیاتی سطح کو عبور کر کے 67481.19 پوائنٹس پر پہنچ گیا۔ اسی طرح نیشنل اسٹاک ایکسچینج ( این ایس ای) کا نفسٹی 134.75 پوائنٹس یعنی 0.67 فیصد بڑھ کر 20267.90 پوائنٹس پر رہا۔