پانچ ماہ میں بینک کے قرض دینے کی صلاحیت میں 80 ہزار کروڑ روپے کی کمی ہوئی:چدمبرم

نئی دہلی، 17 اکتوبر (یو این آئی) کانگریس کے سینئر لیڈر اور سابق وزیر خزانہ پی چدمبرم نے کہا ہے کہ ملک میں معاشی مندی کا زبردست دور چل رہاہے اور اس کاسب سے بڑا ثبوت یہ ہے کہ گزشتہ پانچ ماہ کے دوران بینکوں کے قرض دینے میں 80 ہزار کروڑ روپے کی کمی واقع ہوئی ہے۔

سابق وزیر خزانہ نے کہا ہے کہ ’’معاشی مندی پرحکومت کی توجہ مبذول کرانے کے لئے دو اور سوال ہیں۔



پہلا یہ ہے کہ درآمد میں 9ء13 فیصد کی کمی آئی ہے اور برآمد 6ء6 میں فیصد کمی آئی ہے۔ اس کی وجہ سے ہر مہینے ہزاروں کی تعداد میں نوکری کے مواقع میں کمی آئی ہے۔

ہر مہینے ہزاروں کی تعداد میں نوکری کے مواقع ختم ہورہے ہیں۔ دوسرا، اس سال مارچ سے اگست کے درمیان بینکوں کے قرض دینے میں 80 ہزار کروڑ روپے کی کمی آئی ہے اور اس کا سیدھا مطلب ہے کہ نئی سرمایہ کاری نہیں ہورہی ہے۔