آسام میں دلہن کو ملے گا ایک تولہ سونے کا تحفہ

نئی دہلی/6فروری(ایجنسی) انتخابات کے سیزن میں عام آدمی پر مختلف حکومتیں کی طرف سے تحفوں کی بارش ہورہی ہے، اسی سلسلہ میں آسام کی بی جے پی حکومت نے اعلان کیا ہے کہ ریاست میں شادیوں کے دوران دلہن  کو حکومت کی طرف سے ایک تولہ سونا دیا جائے گا، موجدہ بازار کی قیمت کے مطابق اسکی قیمت قریب 38 ہزار روپے ہے، آسام کے وزیرخزانہ بسوا شرما نے ریاست کا بجٹ پیش کرنے کے دوران یہ اعلان کیا، اس منصوبہ کو انورودھتی نام دیا گیا ہے، منصوبہ کا فائدہ 5 لاکھ روپے سے کم سالانہ آمدنی والے خاندانوں کو ملے گا، ریاستی حکومت نے اس منصوبہ کے لیے 300 کروڑ روپے کی فراہمی کی ہے.