ایپل نے تین نئے آئی فون متعارف کرادیے

نئی دہلی13ستمبر(ایجنسی) امریکی کمپنی ایپل نے منگل کے روز آئی فون کے تین نئے ماڈل متعارف کرادیے ہیں۔ان میں طویل عرصے سے مشتہر کردہ آئی فون ایکس ( تلفظ دس) بھی شامل ہے۔

ایپل کے چیف ایگزیکٹو ٹم کک نے پریمیم آئی فون ٹین (10) ، نیا آئی فون 8 اور 8 پلس متعارف کرانے کا اعلان کیا ہے۔واضح رہے کہ ایپل نے دس سال قبل پہلی مرتبہ آئی فون متعارف کرایا تھا۔

ان نئے ہینڈ سیٹ کو متعارف کرانے کے لیے تقریب



ایپل کے نوتعمیر شدہ تھیٹر میں منعقد کی گئی۔ اس نئے کیمپس کا نام اس امریکی کمپنی کے بانی اسٹیو جابس کے نام پر رکھا گیا ہے۔کک نے اس موقع پر تقریر کرتے ہوئے کہا کہ نیا ہینڈ سیٹ کمپنی کے لیے ایک سنگ میل کی حیثیت رکھتا ہے ۔


یہ نیا آئی فون مارکیٹ میں 3 نومبر سے فروخت کے لیے دستیاب ہوگا۔اس کی تعارفی قیمت 999 ڈالرز ( ایک لاکھ روپے) رکھی گئی ہے۔آئی فون 8 کی ابتدائی قیمت 699 ڈالرز اور 8 پلس کی قیمت 799 ڈالرز ہوگی۔ یہ دونوں اس ماہ کے آخر تک فروخت کے لیے دستیاب ہوں گے۔