ایمیزون انڈیا 100 ریسٹ سنٹر زبنائے گا

نئی دہلی، 8 اپریل (یو این آئی) آن لائن شاپنگ پلیٹ فارم ایمیزون انڈیا نے آج اعلان کیا ہے کہ وہ سال 2025 کے آخر تک ملک بھر میں اپنے آشرے اریسٹ سنٹرز کی تعداد کو 100 تک بڑھا دے گا کمپنی نے منگل کو ایک بیان میں کہا کہ یہ خصوصی مراکز ای کامرس اور لاجسٹکس کے شعبے میں کام کرنے والے ڈیلیوری پارٹنرز کے لیے بنائے گئے ہیں، جہاں انہیں ایئر کنڈیشنڈ بیٹھنے کی جگہ ، پینے کا صاف پانی، الیکٹرولائٹ، موبائل چار جنگ پوائنٹ ، ٹوائلٹ، فرسٹ ایڈ کٹ اور ریفریشمنٹ جیسی سہولیات مفت فراہم کی جاتی



ہیں۔ 

یہ اقدام لاجسٹک انڈسٹری میں ایمیزون کی جانب سے ایک منفر د اور پہلی کوشش ہے ، جس میں انتہائی گنجان علاقوں میں کام کرنے والے ڈیلیوری اہلکاروں کے لیے ریسٹ پوائنٹ فراہم کئے جارہے ہیں۔ یہ مراکز پٹرول پمپوں اور کمر شل کرائے کی جگہوں پر واقع ہیں اور ہفتے کے ساتوں دن صبح 9 بجے سے رات 9 بجے تک کھلے رہتے ہیں۔ کسی بھی ڈیلیوری ساتھی کوفی وقت 30 منٹ تک مفت استعمال کی سہولت فراہم کی جاتی ہے۔ نیز ، ہر سینٹر میں تقریباً 15 افراد کے بیٹھنے کی گنجائش ہے اور پارکنگ کی سہولت بھی موجود ہے۔