ایئرٹیل نے پیش کیا نیا پلان‘ یوزرس کو ملے گا کالنگ اور انٹرنیٹ کی سہولت

نئی دہلی/25جنوری(ایجنسی) ایئرٹیل کمپنیوں کے درمیان ڈیٹا وار تھمنے کا نام نہیں لے رہا ہے۔ ایسے میں ایک بار پھر ایئرٹیل نے باقی ٹیلی کام کمپنیوں کو ٹکر دینے کے لیے اپنے پریپیڈ یوزرس کے لیے لمبی مدت والا پلان پیش کیا ہے۔ جس میں یوزرس کو 336 دنوں تک فری کالنگ اور انٹرنیٹ کا فائدہ ملے گا۔ اسکے علاوہ یوزرس کو میسج کا بھی فائدہ ہوگا۔ 

دراصل ایئرٹیل نے اپنے یوزرس کے لیے 998 روپے کا ایک پلان لانچ کیا ہے۔ جس میں یوزرس کو 336 دنوں تک لا محدود کالس‘ ایس ٹی ڈی‘ کالنگ اور ہر مہینے 12 جی بی ڈیٹا ملے گا۔ وہیں 597 روپے کے پلان میں 6 جی بی



ڈیٹا اور ہر مہینے 300 ایس ایم ایس کی سہولت ملے گی۔ جسکی مدت 168 دنوں کی ہے۔ اس پلان کی سب سے خاص بات یہ ہے کہ اس میں یوزرس کو ایئرٹیل ٹی وی ایپ کا فائدہ فری میں ملے گا۔

ابھی حال ہی میں کمپنی نے 1699 روپے کا پلان پیش کیا تھا۔ جس میں یوزرس کوسال بھر کے لیے لامحدود کالس اور نیشنل کالنگ کی سہولت ملے گی۔ اسکے علاوہ آپ کو ہر دن 1 جی بی ڈیٹا اور 100 ایس ایم ایس ملیں گے۔ اسکے ساتھ یوزرس ایئر ٹیل ایپ کے ذریعہ پریمیم کنٹینٹ کو بھی استعمال کرسکتے ہیں۔ کمپنی نے اس پلان کو ابھی ہماچل پردیش سرکل کے لیے لانچ کیا ہے۔ اور جلد ہی اسے سبھی کے لیے لانچ کیا جاسکتا ہے.