بینک قرض دہندگان کو راحت پہنچانے کے لئے مہرشی کمیٹی اقدامات تجویز کرے گی

نئی دہلی، 10ستمبر (یو این آئی) حکومت نے بینک قرض دہندگان کو سود سے معافی اور سود پر سود سے راحت دینے نیز اس سے منسلک معاملات پر اقدامات تجویز کرنے کے لئے سابق آڈیٹر جنرل کنٹرولر (کیگ) راجیو مہرشی کی قیادت میں ماہرین کی کمیٹی تشکیل دی ہے جو ایک ہفتہ میں اپنی رپورٹ پیش کرے گی۔

وزارت خزانہ نے آج یہاں جاری بیا ن میں کہا کہ قرض دہندگان کو سود سے معافی اور سود پر سود سے راحت فراہم کرنے کے سلسلہ میں سپریم کورٹ میں چل رہے معاملہ کو دھیان میں رکھتے ہوئے یہ کمیٹی قائم کی گی ہے تاکہ صحیح طریقہ سے جائزہ لیکر صحیح طریقہ سے



فیصلہ کیا جاسکے۔

مسٹر مہرشی اس کمیٹی کے صدر ہوں گے جبکہ ریزرو بینک کی مانیٹری پالیسی کمیٹی کے سابق رکن ڈاکٹر رویند ر ایچ ڈولکیا، اسٹیٹ بینک کے سابق منیجنگ ڈائرکٹر بی شری رام رکن بنائے گئے ہیں۔

یہ کمیٹی کورونا وبا کے پیش نظر سود کی ادائیگی سے دی گئی سود سے راحت اور سود پر سود سے چھوٹ دیئے جانے سے مالیاتی استحکام اور معیشت پر پڑنے والے اثر ات کا مطالعہ، اس سلسلہ میں معاشرے کے مختلف طبقات پر پڑنے والے مالی اثرات کو دور کرنے کے اقدامات اور موجودہ صورتحال میں کئے جانے والے دیگر اقدامات کی تجاویز بھی پیش کرے گی۔