اتر پردیش کے آگرہ میں عجیب وغریب واقعہ، خاتون نے کاٹا ایک شخص کا کان اور نگل گئی

اتر پردیش: اتر پردیش کے آگرہ میں ایک عجیب وغریب واقعہ پیش آیا جس میں ایک شخص گیٹ بند کیے بغیر جلدی میں اپنی رہائش گاہ سے نکل گیا۔ جس کی وجہ سے اسی عمارت میں مقیم ایک اور خاتون نے اس سے جھگڑا کیا اور اس کا کان کاٹ دیا، پھر اس نے کان کا حصہ نگل لیا۔ 

تفصیلات کے مطابق آگرہ میں مقیم رکشہ چلانے والے رام ویر بھاگیل اپنے بیٹے کو امتحان دلوانے کے لیے 4 مارچ کو صبح 6 بجے گھر سے



نکلے تھے۔ جلدبازی میں وہ عمارت کا گیٹ بند کرنا بھول گئے۔ اسی عمارت میں رہنے والی راکھی نامی خاتون نے رام ویر کے گھر آنے پر اس سے جھگڑا کیا۔ راکھی کے شوہر سنجیو نے رام ویر کو جکڑ لیا۔ پھر راکھی نے رام ویر کا کان کاٹ دیا اور نگل گئی۔ مقامی لوگوں نے اسے ہسپتال پہنچایا کیونکہ خون بہہ رہا تھا۔ بعد ازاں متاثرہ نے پولیس میں شکایت درج کرائی۔ پولیس نے مقدمہ درج کر لیا ہے اور تفتیش کر رہی ہے۔ پولیس نے واضح کیا ہے کہ تحقیقات کے بعد قانونی کارروائی کی جائے گی۔